Arajang ri Segeri

Pendahuluan

Riolo, engka seddi wettu nadek maneng napole asena pallao ruma e. Rimakkuannaro namapeddi maneng tau e ri Segeri. Wettu ero arung mapparenta riasennge "Pajjung La Tenrisessu Petta Tolau ritilla e Lolo e" iatonaro arung pammulang e ri Segeri.

Ri seua e wenni engka tau mannippi ri lisekna saoraja e, ianaritu "Puang Matoa". Nairo Puang Matoa naita engka tau massurubeng poanggi makkeda e, "Engkatu rakkala ri coppokna bulu engka e ri manoronna Segeri". Naia naengkalingana arung e inippinna "Puang matoa" napaddepengnni toaccana Segeri. Nasingkeruang ni makkeda e ri essona Juma e maelo lao riala rakkala nanippi e "Puang Matoa". Nadapi ni wettu Juma pada lao tongenni passurona arung e. Naia makawenra buluero denre, ri palecce rioloni "Puang Matoa" Matteru menre ri coppokna bulu e engka tongenna naita rakkala medeceng langga-longgona. Pada naita monenni tau maega e. Nassa muturusini pada makka I nappa napalecce lao ri onrong macokko e, pada naparessani kuaritu. Mennga manenngi tau maega e mita i nasaba iaro rakkala e de gaga pate aju tassipolo-polo, somanna rita aju temmaka rajanna ri winru mencaji rakkala. Ri wettu ritiwina rakkala ero lao ri Segeri, temmaka egana tau duppai, pada tettong ri wirinna lalenge. Badapina ri Segeri, ri pattulili ri kampong ero. Ripalecce riolo i "Puang Matoa", sibawa sininna bissu e. Makkomutoro mattililina, natappa pole bosi lappo e. Makkeda ni...

"Puang Matoa" Iana e tanra maelo ni pole ase ri Segeri. Pura manenni riattu lili kampong e, ri tiwini rakkala e lao ri seddi e bola loppo, bola tanre. Ioro bola e, engka gare patappulo allirinna. Tasseddi e alli ri temmaka rajanna, sibawa tette mutoi malebu pada tosaka aju tuo e. Naia ri lalang mpola, ri ebbu roangi renring lawa tennga, engka tellu renring lawa tenngana. Nasaba iaro bola e pata latte i. Nappani paimeng engkato rakkeanna. Komiro riase rakeannge anronna pakkakasanna "Puang Matoa" sibawa sininna calabai e (bissu). Naia onronna rakkala e, koi latte kaminong ri munri e, kotoniro "Puang Matoa" matinro. Naia rakkala e ro ri tella tono "Arajannge". Ripadecengi onronna, ri ebburong boco, pada tosaha tau biasa e. Latte maka dua e pole ri munri naonra i bissu (calaka) maccae mjjoge, naiya latte maka tellu naonro i calabai (bissu) nappa e magguru mjjoge. Naia latte pongri saliennge, ri taronganni tau pole e. Riponcoki carita e. Naiaro denre "Arajannge" ianarita rakkala ri lainnae topa paimeng pakkakasa. Pakkakasa sakke rupekna ripassui nsrekko maeboki... Halaman 167 ...upacara-upacara palili. Naiaro upacara palili e ripogau e narekko mangolo nibare, riobbini "Puang Matoa", punggawana bissu e (calabai e) bissu muto e ri aseng Sanro. Ia makkoe riasenngi "Sanro Soko". Sanro e denre patentu e wettu maelona mappamula joppa "upacara palili". Biasana ripamulai wettu asera ompone ketennge, iarega na asera tellabuna keennge. Narekko maelo ri pano "Arajang e", sininna calabai (bissu) ri laleng pola pada mappuasa manennge tellu ngesso tellu mpenni. Sibawa paimeng dek to na wedding matinro, ri addojai "Arajang e". Tellu ngesso, tellu jenni mejjoge calabai e (bissu) sibawa dek nawedding kurang patappulo calabai. Rilalenna ajjogekennaro. Mappamulani ri pono arajang e, ri palecce ri oloni Sanro e, iamuto ri aseng Puang Matoa. Mangaloni Puang Matoa lao ri arajang e nappa makkelong, ri accoweri lao ri calabai e ia maneng. Elong pommulang e, iatona ritu elong patteddu, "O..., mpa", ribali pole ri calabai laing e, "Batari. "Madecenngengi pada muangkalinga elonna bissu (calabai) naseng i bicara. Elong patteddu arajang Teddu’ka denre Maringo Gojennga denre malettung Malettung riala Luwu Maningo riwatang pare Leppe i elonna Puang Matoa denre tappa ribalini pole patappulo e bissu ianaritu. Tokkokko mutulle-tulle Mutulle-tulle timaju Musiasseng-asseng keneng Kusilape... Nusilare’-lare’ keneng Musinoreng musinireng Nakkalepu lolapeng Lolongeng mucokkongiya Lipu muronrusiyo Nulettung ritompa’ tikka Naningo risawang me’ga Teddukka denra naningo Gojonnga denra nalettung Teddukka denre maingo Gojennga denra malettung Malettung ritana tekko Maningo riwewang Riyu Teddukka denra maningo Halaman 168 Gojennga denra malettung Malettung ri Paretiwi Maningo ri tojang Teddukka denra maningo Gojennga denra malettung Malettung ri Paretiwi Maningo ri uring laju’ Teddukka denra maningo Gojennga denra malettung Malettung ri wiring langi Maningo riboko batara Teddukka denra maningo Gojennga denra malettung Malettung saliweng langi Maningo ri ruang lette Teddukka denra maningo Gojennga denra malettung Malettung riala mawa’ Maningo riale lino Narekko purani elonna biksuaro maegaro denra, nasompussi paimeng "Puang Matoa" iana ritu. Tokkonni manurung e Tellani arajang e Taggilingkiling ri Tolok Naulettung ri tuladong Tattere diadam bissu Halaman 169 Mawakka ri pungo-pungo Denreng talaga-talaga ri langi Menre’ tojang ri batara Salama ri mula jaji Peddi e ri mula capereng Madampe-rampe Jakkellang Mata ritojang Acangkali Maccolokka ri samaleng Kuserok kuddowangi Kussek wasekkianngi Mapajaneng to Rilangi Macubbeng to ri batara Idikro inang mpisusu e Toto anurung engnge Biasa ri warung engage de To nakkeda dewata e Mapango sia saddatta Mapessa patiaggakta Mattalitti sunniatta Turui papengnge Maddakki assara e Sikkiri pungo pungo e Alomakengnge Raung kaju abusungeng Mapakkoniro elonna arajang e. Narekko motonni arajang e, ri... Halaman 170 ...papoleni Matoa Segeri sibawa Puang Matoa (punggawana bissu e). Mappammulai Matoa Segeri mjjoge sere-sere, mappakitau tau rita. Purairo, mattaru tappa riselle ri Puang Matoa. Naia Puang Matoa mjjoge sere-sere, naccuweriwi elong ianaritu: Oooo... ruwe eeee Takanno belanoe ijowe Miccubg miccung langi ijo e Malusekiyo Batara Siala e pada baiseng Makkatu e pada walenna Oooo... ruwe eeee Elonna Puang Matoa ri pakkuling kulingi gangkenna wekke tette. Purani elonna Puang Matoa, majeppuini makkeda e motonniro arajange. Riebburanni sanreseng. Maddepungeng manenni tau maega e, iartitu, pallao ruma e, padangkang, to mapparenta e, ata, pada lao maneng malempa uwa e. Purai ro risemmeni arajang e pole kori Puang Matoa. Sininna tau maegaro pada cemme manengngi riawang arajang ero. Jaji nacemmei wae cemmena arajang e. Marekko purani cemme arajang e, ridokoni dau utti. Iaro daun utti e pole ri kampong Takku’, Cempa e dan Segeri sendiri. Narekko purani ri doko arajang e, pada lao manenni mala lau talle. Naseng tauwe Mallekke Lau Lalle. Naia riaseng e Lau Lalle ianaritu pong utti riala lolong ure, sibawa daunna iamaneng. Naiaro denre Lau Lalle e anu napassadia memeng Kepala Kampong Rimporongeng iamaritu seddi Kampong ri Segeri. Pong utti e denre ro ri gantungi sibatu panasa matasa, tanrena kira-kira si reppa, dua kaluku. Engka tapa paimeng pakkakosonna ianaritu: Takke bumbungeng, ota, telle, araso, pong mali-mali. Sininna iameng e riassioronngi koripong utti e ianaro iaseng pong utti Lau Lalle. Halaman 171 ...lolong ure, sibawa daunna iamaneng. Naiaro denre Lau Lalle e anu napassadia memeng Kepala Kampong Rimporongeng iamaritu seddi Kampong ri Segeri. Pong utti e denre ro ri gantungi sibatu panasa matasa, tanrena kira-kira si reppa, dua kaluku. Engka tapa paimeng pakkakosonna ianaritu: Takke bumbungeng, ota, telle, araso, pong mali-mali. Sininna iameng e riassioronngi koripong utti e ianaro iaseng pong utti Lau Lalle. Ianaro denre Lau Lalle i di ebarokonngi seddi tomatoa macoa laddekni umurukna, sibawa malasa to i paimeng, natajeng mani amatengenna. Lau Lalle den ri pasideppe i "Arajang e". Puroiro makkelonni Puang Matoa riaccoeri patappulobissu. Elonnaro pada tosa elonna wettu ri tedduna "Arajang". Naekia natambai elong mallandoang ri sena e, sarekuammenngi aja narisessa Lau Lella ri laleng emadengenna. Nappa leppekna elonna Puang Matoa, tentonni Matoa Segeri naredu i peddanna natubanngi Lai Lalle. Ianaro ri akkelebaraki tau mate, sarekuammenngi ada narisessa rilaleng angadang-enna. Nappa nallauto i ri Dewata e sarekuammenngi aja nanre i ule ase e. Ripalete i caritae. Ri wettu laona tauwe mala uwa e, naccowori genrong, gong anak beccing, lae-lae, bessi banronga. Sininna pakkakasa anu tioriolo. Engka topa parimeng pakkakas-anna rilainnge ianaritu, duappiring ota, duappiring tello, duappiring retti, duappiring wenno, bare patang rupa: bare ridi, bare lotong, bare cella sibawa, bare pute. Wettu lattukna denrero ri salo e. Puang Matoa mappammula no ri salo e. Mappamula i napana aje ataunna, nappa nabage-bage pi ringngero denre. Tassipiring-tassipiring napano kori salo e, ri lainna e ri palisuri menre ri pattananngge, tawana Lau Lalle. Riwettu nakna ri uwae to maega e, dek napettu muni genrang e, gong e, ana beccing e, ri lainna e topa uni-uni e iamaneng. Pappai baja e ri tiwi arajang e mattulili ri kampong e, manguju lao ri galung e. Ri wettu mattulili naro denre sininna tau tettong e riwiring laleng e, pada tiwi maneng uwa e tassi ponteng. Narekko laloni tau maega e pada risirongi uwae. Narekko pura manenni nattulili kampong e, manguju manessi lao ripasa e, kasiro ri pasa e majjogessi bissu e. Puroi mjjoge nappani pada lisu maneng lao ri belona arajang e ianaritu bola majaga e puang Matoa sibawa patappulo bissu.

Mappakkoniro caritana "Arajang e" ri Segeri.

[Detail tambahan, tips, atau contoh nyata]

Kesimpulan

Begitulah kisah awal mula dilaksanakan tradisi mappalili matteddu arajang di Kec. Segeri Kab. Pangkep Sulawesi Selatan

Baca juga: [Judul artikel terkait]

FAQ

Apa arajang Segeri

Pembajak sawah yang sakral dari gunung lantiangoro

Dilakukan pada bulan apa tradisi mateddu arajang yang dirangkaikan dengan maggiri?

Dilaksanakan pada bulan Desember sebagai serangkaian prosesi penentuan waktu turun sawah(memulai musim tanam)